O‘zbekistonning Italiyadagi fuqarolari O‘zbekiston Respublikasining yangi tahrirdagi Konstitusiyasini qabul qilinishi munosabati bilan o’tkaziladigan referendumga qayerda ovoz bera olishadi?

O‘zbekistonning Italiyada bo‘lib turgan fuqarolari 2023-yil 30-aprel kuni bo’lib o’tadigan O'zbekiston Respublikasining yangi tahrirdagi Konstitusiyasi bo’yicha Referendumda O‘zbekiston Respublikasining Italiya Respublikasidagi elchixonasi (Rim shahri) huzurida tashkil etilgan 16-saylov uchastkasida ovoz berishlari mumkin.

16-saylov uchastkasida Referendum kuni, ya’ni 30-aprel kuni ovoz berish imkoniyatiga ega bo’lmagan O‘zbekiston fuqarolari
2023-yil 19 dan 26-aprelgacha soat 09:00 dan 19:00 gacha O‘zbekiston Respublikasining Italiya Respublikasidagi elchixonasi (Rim shahri) huzuridagi 16-saylov Referendum uchastkasida muddatidan oldin ovoz berishlari mumkin.

Muddatidan oldin ovoz berishni amalga oshirish uchun saylovchi saylov kunida bo‘la olmasligining sabablari (ta’til, xizmat safari, xorijga chiqish va hokazo) ko‘rsatilgan ariza asosida 16-Referendum uchastkasi komissiyasidan saylov byulletenini oladi. Saylovchi Referendum byulletenini olganligi haqida uchastka komissiyasining kamida ikki nafar a’zosi hozirligida saylovchilar ro‘yxatiga imzo qo‘yadi.

Bundan tashqari, joriy yilning 19 dan 26-aprel kunigacha diplomatik vakolatxona tashqarisida (O‘zbekiston fuqarolari zich joylashgan joylarda) muddatidan oldin ovoz berish o'tkaziladi:

- Florensiya shahrida 2023-yil 23-aprel kuni soat 11:00 dan 17:00 gacha (manzil: Firenze, Via Pierluigi da Palestrina 17-19 Rosso);

- Milan shahrida 2023-yil 24-aprel kuni soat 11:00 dan 17:00 gacha (manzil: Piazza Duca d’Aosta 12 Sesto piano, Presso “IMAGRO SpA”);

- Turin shahrida 2023-yil 26-aprel kuni soat 11:00 dan 17:00 gacha (manzil: Torino, Politecnico di Torino, Aula 5VM della Sede di via Morgari 36/B) muddatidan oldin ovoz berish tashkillashtiriladi.